Rêxistina Dihokê ya Partiya Yekîtî ya Kurdistan - Sûriyê, bi
beşdariya nûnerên partiyên Encûmena Niştimanî ya Kurd li ofîsa Domîz,
nozdehemîn salvegera şehîdbûna Şêx Mihemed Meşûq El-Xeznewî bi bîr anî.
Endamê Komîteya Navendî ya Partiya Yekîtî Ekrem Reşîd piştî
deqîqeyek rêzgirtinê ji bo giyanê pakê şehîd û canê pakên şehîdên Kurdistanê,
li ser gelek qonaxên jiyana şêxê şehîd rawestiya, bi taybet di dema serhildana
12 Adar 2004 û pêwendiya wî bi partiyên Tevgera Netewî ya Kurdî û bi nûnerên
welatên ewropî re li Şamê.
Reşîd girîngtirîn hûrgiliyên revandina şêxê şehîd,
xwenîşandan û xwenîşandanên Partiya Yekîtî ji bo eşkerekirina çarenivîsa şêx û
xwepêşandana milyonî li merasîma cenazeyê wî bi ragihandina şehadeta wî di 1`ê
Hezîranê de destnîşan kir.
Amadekarên wê Semînere ji bo rêzgirtin û bîranîna ruhê şehîd
Şêx Mihemed Meşûq El-Xeznewî nozdeh mûm vêxistin.
